IDAHO და ამ ამბებით შეწუხებული მე

დღეს მსგავსი რამდენიმე წერილი მივიღე შეკითხვით – “მართალია რომ “პიდარასტების” აქციებზე შენც იყავი?”. დაკითხვას მიწყობენ. სულაც არ გამკვირვებია პატრიარქთან დაახლოებული პირის ასეთი რეაქცია პიემის სახით, მაგრამ საიდან მოიტანეს ეს ჭორი? თუ ჩემი ფეისბუქის ექაუნთის ჩემ ფრენდებში რომელიმეს არ მოსწონს განსხვავებული აზრის მქონე ადამიანები ახლავე და ამ წამს ამომშალეთ ფრენდებიდან!
ეს კი მათთვის ვისი ცნობისმოყვარეობაც ვერ დავაკმაყოფილე:

• ლგბტ საზოგადოების მიერ გამართულ IDAHO (international day against homophobia) აქციაზე არ ვყოფილვარ,  მარტივი მიზეზის გამო – ვფიქრობ რომ ჯერ არ არის განვითარებული საზოგადოების უმრავლესობა ლიბერალური კუთხით, არ არის ტოლერანტული და მათი გაღიზიანება მხოლოდ აგრესიის/ჰომოფობიის გამძაფრებას შეუწყობდა ხელს და არა ჰომოფობებისგან ლოიალურ ქცევის მოპოვებას.

• კანონის წინაშე ყველა თანაბარია, შესაბამისად ნებისმიერი იდენტობის ადამიანს შეუძლია თავისი უფლების დარღვევა გააპროტესტოს და მოითხოვოს სამათლიანობა იქნება ლგბტ, ჰეტეროსექსუალი თუ სხვა. სიამოვნებით დავუჭერდი მხარს და შევუერთდებოდი (მაგრამ არ მეცალა) მეორე დღეს, კერძოდ 18 მაისს გამართულ აქციას, რადგან მართლმადიდებელ მშობელთა კავშირმა ადამიანთა უფლებები შელახა, კერძოდ ფიზიკურად შეურაცხყო  IDAHO-ს აქციის მონაწილეები.

საქართველოს კონსტიტუცია. 

მუხლი 14: ყველა ადამიანი დაბადებით თავისუფალია და კანონის წინაშე თანასწორია განურჩევლად რასისა, კანის ფერისა, ენისა, სქესისა, რელიგიისა, პოლიტიკური და სხვა შეხედულებებისა, ეროვნული, ეთნიკური და სოციალური კუთვნილებისა, წარმოშობისა, ქონებრივი და წოდებრივი მდგომარეობისა, საცხოვრებელი ადგილისა.

მუხლი 38: 1. საქართველოს მოქალაქენი თანასწორი არიან სოციალურ, ეკონომიკურ, კულტურულ და პოლიტიკურ ცხოვრებაში განურჩევლად მათი ეროვნული, ეთნიკური, რელიგიური თუ ენობრივი კუთვნილებისა. საერთაშორისო სამართლის საყოველთაოდ აღიარებული პრინციპებისა და ნორმების შესაბამისად მათ უფლება აქვთ თავისუფლად, ყოველგვარი დისკრიმინაციისა და ჩარევის გარეშე განავითარონ თავიანთი კულტურა, ისარგებლონ დედაენით პირად ცხოვრებაში და საჯაროდ.
<წაიკითხე! ადამიანის უფლებათა საყოველთაო დეკლარაცია.>

• ყველას აქვს უფლება გამოხატოს საკუთარი აზრი სხვადასხვა ფორმით, ქუჩაში ყვირილით, პლაკატის ფრიალით თუ სხვა.

• დამტკიცებულია რომ გეი, ბისექსუალი, ლესბოსელი, ტრანსექსუალი იბადები და ზრდის პროცესში არ ხდები, არც ვინმესგან გადაგედება, არც პლაკატების ფრილით ვინმე გადაგიბირებს/ჩაითრევს/შეგაცდენს/თავისნაირს გაგხდის და არც ავადმყოფობად ითვლება.

• გასაგებია რომ მართლმადიდებლობა კრძალავს შენივე სქესის ადამიანთან სექსს და ცოდვაა. მაგრამ უფრო მეტად ცოდვილია ის ვინც განსჯის.

შეხსენება მრევლს სახარებიდან:  

1. ნუ განიკითხავთ, რაჲთა არა განიკითხნეთ,

2. რამეთუ რომლითა განკითხვითა განიკითხვიდეთ, განიკითხნეთ, და რომლითა საწყაულითა მიუწყოთ, მოგეწყოს თქუენ.

3. ანუ რაჲსა ხედავ წეულსა თუალსა შინა ძმისა შენისასა და დჳრესა თუალსა შინა შენსა არა განიცდი?

4. ანუ ვითარ ჰრქუა ძმასა შენსა: მაცადე, და აღმოგიღო წუელი თუალისაგან შენისა, და აჰა ეგერა დჳრე თუალსა შინა შენსა!

5. ორგულო, აღმოიღე პირველად დჳრე თუალისაგან შენისა და მაშინ იხილო აღმოღებად წუელი თუალისაგან ძმისა შენისა. (მათე, თავი 7).

43. თქვენ გსმენიათ, რომ თქმულა: გიყვარდეს მოყვასი შენი და გძულდეს მტერი შენი.

44. ხოლო მე გეუბნებით თქვენ: გიყვარდით თქვენი მტერნი; დალოცეთ თქვენი მაწყევარნი; კეთილი უყავით თქვენს მოძულეთ და ილოცეთ თქვენსავ მდევნელთა და შეურაცხმყოფელთათვის.

45. რათა იყოთ შვილნი თქვენი ზეციერი მამისა, ვისაც თავისი მზე ამოჰყავს კეთილთა და ბოროტთათვის და წვიმას უგზავნის მართალთაც და უსამართლოთაც.

46. რადგანაც თუ გეყვარებათ თქვენი მოყვასნი, რა იქნება თქვენი საზღაური? განა ასევე არ იქცევიან მებაჟენიც?

47. ანდა თუ მოიკითხავთ მხოლოდ თქვენს მოძმეთ, უჩვეულოს რას სჩადიხართ? განა ასევე არ იქცევიან წარმართნიც?

48. მაშ, იყავით სრულქმნილნი, როგორც სრულქმნილია თქვენი ზეციერი მამა.
(მათე, თავი 5)

• “მოგწონს ბიჭებმა რო იტყნაურონ?” ვერ ვხვდები რატომ უნდა მომწონდეს, ან არ უნდა მომწონდეს რომელიმე ადამიანის სექსუალური აქტით დაკავება ვინმესთან? ან რატომ უნდა მისვამდეს ამ შეკითხვას ვინმე? სამწუხაროდ ამ შეკითხვებზე პასუხი ვერ მივიღე, მაგრამ მე მაქვს ძალიან მარტივი პასუხი თქვენთვისაც: კონსტიტუციდან მოყვანილი მუხლებისა და სახარებაზე დაყრდნობით გეუბნებით – მესამე ადამიანი არ უნდა ერეოდეს, არა თუ მოსწონდეს ან არ მოსწონდეს სხვისი სექსუალური ან საზოგადოებრივი ცხოვრება, + არ უნდა განსაჯოს სხვა.

მრევლს, მეგობრებს, ნაცნობებს პატივისცემით – ადო ბერიკელაშვილი.

50 ლარი და შეცდომის მსხვერპლი მე

ამასწინათ ჩემ ძმას მივბაძე და ონლაინში თამაშის სურვილი გამიჩნდა. ერთ-ერთ ვებგვერდზე თამაშს მივყავი ხელი. საბედნიეროდ გამიმართლა და რამდენიმე ცდის (თამაშის) შემდეგ 50 ლარი მოვიგე. პირველად მოვიგე თანხა და ძალიან გახარებული მოგებულის გასანაღდებლად სპორტის სასახლის წინ მდებარე კაზინო აჭარას მივაშურე, რომელიც სასტუმრო ჰოლიდეი ინ-ში მდებარეობს. იქ მისულს გამომიცხადეს რომ მათ ონლაინ თამაშების ვებგვერდი არ აქვთ და შეცდომის მსხვერპლი აღმოვჩნდი, როგორც ონლაინში მოთამაშეთა უმრავლესობა.
რამდენიმე მიზეზი თუ რატომ აღმოვჩნდი კაზინო აჭარაში და რატომ ამერია აჭარაბეთში:
1. აჭარაბეთს კაზინო აჭარის მსგავსი ლოგო აქვს (რომელიც სხვათაშორის პლაგიატიზმად ითვლება).

2. თითქმის ერთი და იმავე ადგილას მდებარეობს.
3. ორივეს დასახელებაში აჭარა ურევია.
კაზინო აჭარის თანამშრომლებმა მითხრეს რომ კაზინო “აჭარა” აკეთებს ონლაინ თამაშების საიტს. სადაც იქნება პოკერი, ტოტალიზატორი, ბევრი ახალი და საინტერესო თამაში. ინტერესის გამო ჩავეძიე, თურმე ონლაინ თამაშების საიტი იხსნება ზაფხულში. უცხოელები არიან კაზინოს მფლობელები. პარტნიორები საიტზეც იქნებიან უცხოური კომპანიები.
ამიტომ დაველოდები ზაფხულს და მოგებული თანხით კაზინო აჭარის ონლაინ თამაშებს გავაგრძელებ, რადგან სიმპატიით ვიყავი ყოველთვის განწყობილი კაზინო აჭარის მიმართ და ახლაც ასეა. აჭარაბეთს კი პროტესტს გამოვუცხადებ თუნდაც პლაგიატიზმის გამო.

თქვენ თუ თამაშობთ ფულზე ონლაინ თამაშებს ან გეგონათ თუ არა აჭარაბეთი კაზინო აჭარის?

ახალი გატაცება, სწავლა ონლაინ

სკოლაში გერმანულ ენას მასწავლიდნენ, მაგრამ არ ვსწავლობდი. კარგად არ ვსწავლობდი. მიზეზი ერთი იყო, ყოველთვის გერმანიის ნაცისტური ხელისუფლება მახსენდებოდა, მათი იდეოლოგიის მიმართ სიძულვილს განვიცდიდი, რაც გერმანელებისა და გერმანული ენის მიმართებაშიც გადამეზარდა. მაშინ ჯერ კიდევ ვერ ვაცნობიერებდი, რომ ნაცისტური ხელისუფლების გამო ერი და მათი ენა არ უნდა შემჯავრებოდა, რომ მხოლოდ ხელისუფლება იყო დამნაშავე და არა მოქალაქენი.  პროტესტი უსწავლელობით  ერთ-ერთი გაკვეთილის ახნის შემდეგ უფრო მეტად გამიმძაფრდა, როცა მასწავლებელმა სიტყვის მნიშვნელობა ჰოლოკოსტის მაგალითებზე დაყრდნობით განმარტა.

მეტი პროტესტის ნიშნად ინგლისური ენის სწავლა დავიწყე რეპეტიტორთან, რაც მეტ სიმშვიდეს მომცემდა. გერმანული და ინგლისური სიტყვები ერთმანეთში მერეოდა, დღემდე ინგლისური სიტყვები გერმანულად შემომეკითხება ხოლმე და არცერთი ენა არ ვიცი სრულყოფილად, მაგრამ ინგლისური უკეთ ვიცი, იმდენად უკეთ რომ ეროვნულ გამოცდებში ინგლისური ენა ჩავაბარე.

რა ხანია ინგლისურის კარგად სწავლა, გაუმჯობესება მინდა მასწავლებლის დახმარებით, რომ მინიმუმ შეცდომები შემისწოროს და დავხვეწო მეტყველება, სმენა, წერა. მაგრამ 120 ლარი საკმაოდ ძვირია ყოველთვიურად ჩემი ფინანსური მდგომარეობიდან გამომდინარე, არც ინგლისურად ამეტყველებული ქართული ინტონაციის მქონე მასწავლებელი მინდა. სად იყო და სად არა, დაახლოებით ერთი თვის წინ ოქრო საიტი teach.ge აღმოვაჩინე, რომელიც ინგლისური ენის სასწავლო პროგრამის შესწავლას მთავაზობდა ქართულად, საკმაოდ საინტერესო სწავლის მეთოდიკის გამოყენებით და ძალიან იაფად. მოკლედ, ენის შესწავლა ზემოთ ხსენებულ საიტზე დავიწყე.

რატომ გადავწყვიტე ონლაინ მესწავლა, გამეუმჯობესებინა ინგლისური ენა?

• ინოვაციური პროექტია საქართველოში, აქამდე ვერსად წავაწყდებოდი ქართულენოვანი მომხმარებლისთვის განკუთვნილ უცხო ენის სასწავლო პროგრამას და ძალიან გამიხარდა ერთ-ერთი პირველი მომხმარებელი რომ ვარ.
• ყოველდღიურად ვზრდი ცოდნას, არ ვარ შეზღუდული და არაა გაწელილი ცოდნის მიღება დროში.
• როდესაც რეპეტიტორთან კვირაში 2-ჯერ, ან 3-ჯერ დავდიოდი და გაკვეთილი საათ ნახევარი გრძელდებოდა, უმეტესად დრო არ იყო საკმარისი.
• ერთი კვირის მასალა რომელიც სამი ვიზიტითა და ოთხ საათ ნახევარს მოიცავდა მასწავლებელთან, ონლაინ იგივე მასალის დაძლევს მხოლოდ 20 წუთში ვახერხებ.
• ძალიან აზარტულია ასე სწავლა. ვაგროვებ ქულებს ცოდნის მიღების პარალელურად და ვეჯიბრები სხვა მოსწავლეებს.
• ვსწავლობ აუდიო სავარჯიშოების დახმარებით და ვხვეწ ინგლისურ ინტონაციას, გრამატიკას, მეტყველებას რაც აქამდე რეპეტიტორტან შეუძლებელი იყო და საშინელი აქცენტი ჰქონდა მას, თუ ხმას ამოიღებდა.
• შემიძლია ნებისმიერ დროს შევწყვიტო და იგივე ადგილიდან გავაგრძელო სავარჯიშო.
• შეცდომებს ნათურები აღმომიჩენს ხოლმე და ქულებს მაკლებს, ამიტომ ვცდილობ კარგი მოსწავლე ვიყო და წითელი ფერის ნათურა არ ამენთოს. ძალიან ხშირად თითები ამეხლართება, მგონია სწორად ვწერ კონკრეტულ სიტყვას და როცა წითელ შუქს ვხედავ უმალ დაკვირვებით ვეკიდები სავარჯიშოს.
• შეცდომის დაშვების შემთხვევაში იმდენჯერ და ისე მოულოდნელ დროს მკითხავს პროგრამა იგივე დავალებას რომ დებილი უნდა ვიყო სამუდამოდ არ დამამახსოვრდეს შეცდომით დაწერილი ან წარმოთქმული სიტყვა.
• თუ თვეში 120 ლარი უნდა გადამეხადა, აქ 15 ლარი ღირს 1 თვე. მე პირველი კურსის უვადო მაქვს ჩართული და 29 ლარი გადავიხადე. ფასდაკლებებიცაა და ერთ დღიანი  უფასო გაკვეთილით საშუალება გეძლევა გამოსცადო პროგრამა რამდენად მისაღებია შენთვის. მეტი ინფო: http://teach.ge/Programs/

იმდენად ჩამითრია სწავლის წყურვილმა და აზარტმა, ბოლო დროს ყველაზე მეტად ამ საიტს ვსტუმრობ, სოციალურ ქსელებზე უფრო ხშირადაც.  მათ ფეიჯსაც ვადევნებ თვალს. ამასწინათ ბოულინგ ჩემპიონატი ჩაატარეს ონლაინ, თურმე მომიგია კიდეც, მაგრამ ოფლაინ გამართულ ჩემპიონატზე ვეღარ წავედი. 

ამჟამად საიტზე მხოლოდ ინგლისურის შესწავლაა შესაძლებელი. იგეგმება სხვა ენების  დამატება. მოუთმენლად ველი გერმანული ენის პროგრამას, რომ გამოვისყიდო სიძულვილი, რომელმაც მხოლოდ ზიანი მომიტანა ( ანუ მინუს ერთი უცხო ენის ცოდნა) და ძალიან შემაყვარა ფილმები ჰოლოკოსტზე. წავედი  The Boy in the Striped Pajamas უნდა ვუყურო.

კონტACTი

მე ვარ აქსიომა. ვცხოვრობ შხამიან ბლოგზე, ვწერ საკუთარი თვალით დანახული სამყაროს შესახებ. ვაგროვებ ლამაზი ადამიანების კოლექციას. ვთვლი, რომ ვარ თითოეული თქვენთაგანის აზრი შეუძლებელის შესახებ – სამწუხაროდ ასეთ აზრს უკუაგდებენ ხოლმე.

რატომღაც ადამიანებს ყველაზე უკეთ, სექს ისტორიების თხრობა გამოსდით ხოლმე. ნუ ამ მხრივ არც მე ვარ გამონაკლისი, მითუმეტეს, რომ ამ ფიზიოლოგიური და ფსიქოლოგიური მოთხოვნილების დაკმაყოფილების გამო ბევრი “უნახავივით” უამრავი სისულელე ჩამიდენია. როცა სქესობრივ ცხოვრებას იწყებ, ყველა მომდევნო “კონტაქტი” (უფოლოგების ლექსიკონისთვის შესაფერისი ფრაზა) უკვე შემდგარზე საინტერესო და ღრმა გეჩვენება.  ღრმა შემთხვევით არ მითქვამს: პენისის ზომის და სიგრძის გათვალისწინებით მის მიერ დაპყრობილ სიღრმეებს ვგულისხმობ.

“ცოტაც… ცოტაც გაუძელი გთხოვ… თითქმის შევიდა…” – ფრაზა, რომელიც შესვლის წერტილზე და პარტნიორის გამოცდილებაზე მიანიშნებს ყოველთვის.

როცა სექსისკენ გადადგმულ პირველ ნაბიჯებს ვიხსენებ– საკუთარი თავის უფრო მრცხვენია, ვიდრე იმ ადამიანების ვისთანაც ამის მცდელობა მქონდა.

დიიიდი მაიმუნობის, პრანჭვის (შებმის) და გაცვეთილი შესავალი ტექსტების შემდეგ, როგორც იქნა განმარტოვდით, ნახევარი მეტრის მანძილზე დგას.

“კონტაქტი”  უმეტესად ტუჩების ერთმანეთზე დატოლებით და  მორგებით იწყება. თითქოს ასწორებს, აგიდგა კიდეც, მაგრამ რაღაცა მაინც ვერ არის მთლად ისე, როგორც აქამდე იაფფასიანი  ფილმების სასიყვარულო სცენების ყურებისას წარმოშობილი ფანტაზია გკარნახობს.

“ჯანდაბას, ერთი სცენა კი აცდა სცენარს, მაგრამ შემდეგი ასიანი უკეთესი იქნება” ფიქრობ დაბინდული გონებით და  ცდილობ ზუსტად ისე დაიჭირო თავი, რომ შენი ახლად დათრეული სასიყვარულო ობიექტი ჭკუიდან აიწიოს.

მაგრამ…. რაღაცას სწორად ვერ აკეთებთ… ზედმეტი ემოციებისგან უხერხულად და სინქრონულად ამოძრავებთ ხელებს, შუალედში შუბლსაც კი ურახუნებთ ერთმანეთს და კატეგორიულად არ იმჩნევთ.

შემდეგი “ჰოთ” სცენა:  პენისთან კონტაქტი.  ის წესით შარვლიდან ნელა, ეშმაკურად და მომხიბლავად უნდა ამოვიდეს, მაგრამ fake! ისე უნიჭოდ და უეცრად გადმოვარდება გახსნილი უბიდან, რომ საკუთარ პატრონსაც კი ყველა მხატვრულ ჩანაფიქრს და შემოქმედებით მუზას უკარგავს.

გამოუცდელი პარტნიორის სახე, რომელიც დარწმუნებულია, რომ ამ მეხუთე კიდურს საუცხოო– დაახლოებით ვანილის არომატის სურნელი უნდა ასდიოდეს მომენტალურად უსიამოვნო გამომეტყველებას იღებს და აშკარად არ მოწონს ის გემო, რომელიც პრინციპში არც ერთ ჭკუათმყოფელს არ მოეწონებოდა ალბათ.

რაღაცნაირად ცოდვილობთ და რაღაცნაირად სხვა კიდურების დახმარებით ახერხებთ,  ჰაერში (სხვა მიმართულებით)  ფინალური “კონტაქტის” გათავებას.

ნაჩქარევად იცმევთ და უფრო კოცნების გარეშე, ძალად კმაყოფილი სიფათებით სასწრაფოდ გინდათ გაეცალოთ ამ ჩავარდნილი სცენარის მქონე გადასაღებ მოედანს.

როცა საკუთარ საწოლამდე მოაღწევ, მხოლოდ ნაწყვეტებად და უხერხულად იხსენებ ყველა ეპიზოდს. საკუთარ თავს აჯერებ, რომ შენ მეტი შეგიძლია და აუცილებლად გადაიღებ უკეთეს კინოს სხვა , მორიგი “კონტაქტის” დროს.

ამ იმედით გადის ბევრი დრო ბევრ ადამიანებთან ერთად… ზუსტად არავინ იცის, მაგრამ ერთ მშვენიერ დღეს, როცა უკვე აღარსად გეჩქარება, როცა შესანისნავად იცი რა სურნელი ტრიალებს ადამიანების ფეხებს შორის– აუცილებლად შეხვდები ადამიანს, რომელთან ერთადაც  გადაიღებ ნაოცნებარ ფილმს  – სცენარის მიხედვით, ფინალურ სცენას ჰეფი ენდით და სწორი მიმართულებით დაამთავრებ და ნაორგაზმარი ღიმილით, აუჩქარებლად დაუკოცნი სახეს.

მერე უკვე ამ კონტაქტების რაოდენობის ნაცვლად, მათ გამყარება შენარჩუნებაზე იწყებ ზრუნვას და თუ კარგი ფილმი გამოგივიდა, შეიძლება გაგიმართლოს და მრავალსერიანი ფილმის პერსპექტივაც გაგეჩითოს.

მე დღეს ისევ ხაზზე ვარ, ოღონდ უკვე სერიალს ვიღებ– არის კონტაქტი.

აXიომა ;)

რომელია ყველაზე დიდი “კი” ნიჭიერის ამ სეზონში?

26 მარტი, 2012

“პოპკორნი” აგერ მაქვს, ათი საათიც შესრულდა და დროა ტელეეკრანს მივუჯდე.

დასაწყისშივე ვიტყვი – თუ ერში ნიჭი არ იძებნება, ან უბრალოდ შოუს ნიჭიერი არ აკითხავს ეს გადაცემის ფოტმატის, რუთავი 2-ისა და ჟიურის ბრალი არ არის. ჟიური უბრალოდ ვალდებულია შეარჩიოს ცუდიდან რამდენიმე კარგი მონაწილე.

“ჩვენც ძალიან გვაინტერესებს რას ვაკეთებთ”

dream walkers –  ”რა იყო ვერც მე ვერ გავიგე , მაგრამ რაც იყო კარგი იყო, აშკარად”. სოფო, ეს იყო ცეკვა. კარგი ცეკვა. ეს ჯგუფი ჩემს ფავრიტთა სიაში ინაცვლებს დამსახურებულად, მოვიხიბლე მათი პლასტიკითა და  სინქრონში ცეკვით. გარდა იმისა რომ ისინი კარგად ცეკვავენ მათ ფარული ნიჭიც აღმოაჩნდათ.

აი მაგალითად, dream walkers-ის ერთ-ერთ წევრს შუძლია მუშტი პირში “ჩაიდვას”, როგორც პირველი სეზონის “ნიჭიერს”.

ჯი ჯექსონი- რატომღაც მეგონა ამ ბიჭს შემდეგ ტურში გადაიყვანდნენ, მშვენიერი, ორიგინალური ნომრით წარსდგა მაყურებლის წინაშე. მე გადავიყვანდი!

რასაც ვერ ვიტყოდი ჯეომენზე. “სამი კი, გელოდებით შემდეგ ტურში!” ამ სამ კის ერთადერთი გამართლება აქვს, მომდევნო გადაცემამდე ხალხი უნდა ალაპარაკდეს ჟიურის “არაკომპეტენტურობის” გამო.

ოთარინიო –  ”რას წარმოგვიდგენთ?” ჩიფსის “ბანკაზე” ბურთს ვაჩერებ, ვაცემინებ და არ ვარდება ბურთი. ოთარინიოს იმდენად უნდოდა შემდეგ ტურში გადასვლა, მეც სიამოვნებით გადავიყვანდი, მაგრამ შემდეგ ტურებზე უარს ვეტყოდი აუცილებლად.

ყველაზე მეტად, მომარაგებული პოპკორნი აქ გამომადგა, იმდენად დაძაბული დიალოგი გაიმართა ჟიურისა და ლევან ფარჯიკიას შორის. 

რაც მე დღეს მინდა მოგიყვეთ, შეუძლებელი იყო ფანქრით დამეხატა.

ნონა გიუნაშვილმა საკმაოდ კარგი არჩევანი გააკეთა ქვიშა რომ არჩია ფანქარს. რადგან შთამბეჭდავი სანახაობა გამოუვიდა და ძალზედ ემოციურიც. მაგრამ ვთვლი რომ ადამიანის ემოციებზე, ფსიქიკაზე და მძიმე წარსულზე თამაში ძალიან ცუდია. განსაკუთრებით ცუდია, გამოიყენო ეს შოუში. მაგრამ იქიდან გამომდინარე რომ მაყურებლების უმრავლესობას ეს ნომერი მოეწონებოდა, კარგი გათვლაა გულშემატკივრების მოსახვეჭად.

რეპერმა ოთო ბუაძემ  შეძლო ჟიურის აცეკვება. ის ამიერიდან “მთლიანად საქართველოს რეპ სამყაროს შეეჯახება”. ძალიან მომეწონა ოთო, ამბიციური ბავშვია. თუ ვინმე უპატრონებს შევძლებთ რომ საქართველოში გვყავდეს კარგი რეპერი.

არ ვღალატობ ტრადიციას და ახლა უკვე გიფ ფორმატში გთავაზობთ აცეკვებულ ჟიურის.

ოთო ბუაძე - წერილი ემინემს

აშავიძეები - უკრაინული სიმღერა

ბოლოს კი, მაყურებელი ცოტა არ იყოს დაიბნა. ალბათ შენც გაგიჩნდა შეკითხვა: რომელია ყველაზე დიდი “კი” რომელიც სოფოს უთქვამს ნიჭიერის ამ სეზონში, აკრო ბუმისთვის თუ ნონა გიუნაშვილისთვის ნათქვამი ?

“ჯადოქარი” ნიკ მალფოი – ნიჭიერი [ინტერვიუ]

ბავშვობაში ერთი ფილმი მიყვარდა, დღემდე მიყვარს, ფილმი სახელად – მატილდა. სხვათაშორის ტომი და ჯერის სერიებზე მეტჯერ ეს ფილმი მაქვს ნანახი. ფილმი ზებუნებრივი შესაძლებლობების მქონე გოგონაზეა. მატილდას თვალებით საგნების გამოძრავება შეუძლია. ის ამ ნიჭს მას შემდეგ აღმოაჩენს როცა ყველაზე მეტად გააბრაზებენ მას. თავის შესაძლებლობებს ხშირად სკოლის ბოროტი  დირექტორის ჭკუის სასწავლებლად იყენებს. როცა გოგონა სახლში მარტო რჩება, მაშინ იწყება მისი ბედნიერება თავისი ძალების გამოყენების დემონსტრირებით ის სასურველ საქმეს მზერით აკეთებს.

ბავშვობაში მჯეროდა, ყველა ადამიანს შეეძლო მზერით რაიმეზე ან ვინმეზე ზემოქმედება და ხშირად საკუთარი თავიც გამომიცდია. მაგალითად, მიცდია ჩემი ძმის გონებაში შეღწევა, ტელევიზორის პულტის ჰაერში აწევა, მოზიდვა და სასურველ არხზე, გადაცემაზე გადართვა, მაგრამ უშედეგოთ. ახლა კი როცა გავიზარდე, მივხვდი ეს ფილმი ფანტასტიკური, ჯადოსნური და განუხორციელებელი ამბავია რომელის კადრების დამუშავებას კომპიუტერული პროგრამები კარგად ართმევს თავს. გასულ ორშაბათს როცა პულტის გამოძრავებაც არ დამჭირდა და არც ზებუნებრივი ძალების დატესტვა, კონკრეტულ არხზე მიმდინარე გადაცემა ნიჭიერში ერთ-ერთი მონაწილის შესაძლებლობების დემონსტრირებით გავოგნდი, პირი დავაღე და ვცდილობდი ფიქრის მეშვეობით გამერკვია როგორ გააჩერა ნიკ მალფოიმ მზერითა და ხელების მანიპულირებით ფურცელი ჰაერში, ან როგორ იგრძნო წამყვანმა ცხვირზე შეხება როცა სხვას შეეხო ჯადოქარი ან ქარი – ნიკ მალფოი. ნიჭიერის შემოქმედებითმა ჯგუფმა ნიკ მალფოისთან შემახვედრა და პირადად ვცადე გამერკვია, დაჯილდოებულია ის რაიმე ძალით თუ კარგი მატყუარაა.

ვითომ შეშინებული ადო, ნიკ მალფოისთან ერთად გეგას კაბინეტში ჯადოქრობის მოსაწყობად.

როცა ინტერვიუს ასაღებად მოვკალათდით სავარძელში, იკითხა ვისია ჭიქა რომლიც მის წინ პატარა მაგიდაზე იდო. “ჩემია მალფოი”, ვიფიქრე ალბათ წყლის დალევა სურს და ამიტომ კითხულობდა. ფიქრი დასრულებული არ მქონდა, რომ თითების მოძრაობით ენერგია მოიკრიბა, გასტყორცნა ჭიქას, დააბზრიალა და მაგიდიდან მოისროლა.

ნიკ მალფოი, იგივე ნიკა ჩანჩალაშვილია 17 წლის.  ის მენტალისტია, ილუზიონისტიც. მენტალიზმი ასე განმიმარტა: “მენტალიზმი არის მარტივ ენაზე რომ ავხსნათ ზებუნებრივი ძალების ჩვენების ხელოვნება. ანუ, მე ვიყენებ ისეთ კომბინაციებს როგორიცაა: მაგია, ფსიქოლოგია, ცივი კითხვა, შოუმენის ელემენტები და რა ეფექტსაც ვღებულობთ, არის მაგ კომბინაციის მიქსის შედეგი.” მენტალიზმს სწავლობს დაახლოებით 6 წლიდან. ილუზიონისტი ნაკლებად არის, უფრო მენტალისტი. ფოკუსების შესწავლა 12 წლიდან დაიწყო. როგორც მენტალისტს აქვს გამოსვლები სხვადასხვა კლუბებში, ასევე ზოგიერთი კომპანიის კორპორატიულ საღამოებზე.

რამდენად ძნელია ეგ ყველაფერი და შეუძლია თუ არა “მაგლს” (ჰარი პოტერიდან, ყველა ის ადამიანი ვინც არაა ჯადოქარი) გახდეს შენნაირი?

საერთოდ ყველაზე ძნელი ხელოვნებაში  არის გაოცება, იმიტომ რომ ტვინიც უნდა ჩართო, გონება, ყველაფერი ანუ მთელი სხეული მწყობრში უნდა იყოს. მთავარი ეფექტისთვის ტვინი სხეული და სული უნდა გაერთიანდეს.  თუ ძალიან მოინდომა ყველაფერი შეუძლია ყველას, მაგრამ რავიცი დაბადებიდანაც უნდა იყო ბუნებრივი ფიზიოგრომისტი, ანუ ხალხის ამომცნობი, ისე არამგონია.

ჰარი პოტერი თუ გაქვს წაკითხული და გიყვარს თუ არა?
კი, მაქვს წაკითხული, ძალიან საინტერესოა, თუმცა როგორ გითხრათ, რამდენადაც კარგია იმდენად საზიანოა ჩემი აზრით, იმიტომ რომ ბევრი რეალობის აღქმის უნარს კარგავს. ბევრმა ადამიანმა მაგის გამო დეპრესია აიკიდა. სხვათა შორის რამდენიმე ჩემმა მეგობრებმაც.

- მე არ ვარ ცოდო, დეპრესია რომ ავიკიდო ახლა შენი ჯადოქრობების გამო?

ჰო რა ვიცი :დ

რატომ დაირქვი მალფოი და მიჩნევ თუ არა თავს ჯადოქრად?

ო,  პირდაპირ ჯადოქრად მივიჩნევ თავს ვერ ვიტყვი, მაგრამ მისტიფიქატორი ვარ. ასე ვთქვათ, მისტიკის შემქმნელი, ანუ.

- რატომ დაირქვი მალფოი?

რა ვიცი, ლიორ მალფოი საკმაოდ ცნობილი ჯადოქარი იყო და მეც მინდოდა რომ ვინმე ცნობილი ჯადოქრის გვარი მქონოდა ანდერძად. და შევარჩიე. ლიორ მალფოი, დაიბადა ღარიბ ოჯახში, დაახლოებით  16 საუკუნეში, ბავშობიდან შეეძლო ჯადოქრობა და სასწაულების კეთება. ერთხელ როდესაც მამამისთან ერთად გასული იყო საჭმლის საშოვნელად, უცებ გზაზე წაიქცა ბავშვი და ესმოდა რაღაც ხმები, როგორც გაირკვა ეს ხმები იყო მამამისის აზრები.

- ანუ თვლი რომ მაგ გვარის დარქმევა მეტ პოპულარობას მოგიტანდა?

- არა, ეს უბრალოდ, ნამდვილი გვარი ხომ მაქვს ჩანჩალაშვილი და არის ძალიან გრძელი, ბევრი ვერ იმახსოვრებს, ამიტომ ფსევდონიმი მოვიფიქრე და რამდენიმე წელია უკვე მალფოი ვარ.

- რა მსგავსებას ხედავ შენსა და მალფოის შორის, რომელსაც ადარებ თავს, ვისი სახელიც დაირქვი იდეაში?

- მაგ ჯადოქრამდე ბევრი მიკლია, მარა რა ვიცი იმ მსგავსებას ვხედავ რომ იმანაც დაახლოებით ჩემნაირად დაიწყო მეც ბავშვობაში აღმოვაჩინე რაღაც შესაძლებლობები ჩემში.

- გარდა საგნების გამოძრავებისა, სხვა რა შესაძლებლობების მქონე ხარ, მაგალითად თუ შეგიძლია ადამიანის ფიქრების წაკითხვა?

საგნების გამოძრავების გარდა შემიდძლია, ადამიანის წაკითხვა ყოველგვარი გონების ძალის და მსგავსი ფენომენების გარეშე, ჟესტებით, მიმიკებით და ემოციებით. ინტერვიუს შემდეგ, თუ დამთანხმდები შემიძლია დაგარწმუნო და შენი ფიქრები წავიკითხო, არ არის პრობლემა. ასევე რენდგენის დანახვაც შემიძლია. თვალებ ახვეული თავისუფლად ვხედავ თუ კონცენტრირება მოვახდინე. გულის გაჩერებაც შემიძლია. კიდევ ბევრი,  ძალიან ბევრი.

გგონია რომ ნიჭიერი წარმატებებს მოგიტანს ? 

მგონია კი არა დარწმუნებული ვარ.

„მაგლების“ დამოკიდებულება როგორია შენს მიმართ, აქამდე, ან მას შემდეგ რაც ცნობადი გახდი, ხომ არ ეშინიათ მათ შენი? 

აქამდე ყველა სკეპტიკურად უყურებდა ჩემს ნომრებს, ვიდეოებზე აღბეჭდილი არ სჯეროდათ, მაგრამ რომ ნახეს ნიჭიერში მაგალითად ჰაერში გაჩერებული ქაღალდი მერე უკვე თქვეს: ვა, ვერ დაამონტაჟებდნენ, ნიჭიერია მაინც, მერე უკვე დაიჯერეს. რაც შეეხება მაგლების მიმართვას ძალიან მომწონს, ბევრი მხარდამჭერი გამომიჩნდა, ჩემი ფეისბუქის გვერდი დაალაიქა და ეგეთ ხალხს ძალიან ვაფასებ, მათთვის ვაკეთებ ყველაფერს. 100 ადამიანიდან ორმოცს ეშინია, კი.

და როგორ აღიქვამ მათ დამოკიდებულებას?

აი, რა ვიცი, თეთრ გოჭებში რომ ერთი წითელია.

დავინახე ტატუები გაქვს, რას ნიშნავს?

13 ჩემი საყვარელი ციფრი არის. ესენი კი იდეოლოგიის სიმბოლოებია.

საყვარელი ციფრი - 13 და იდეოლოგიის სიმბოლოები.

ჰყავს თუ არა ნიკა მალფოის შეყვარებული (ასეთი შეკითხვა დამაბარეს)?

კი მყავს და ძალიან ბედნიერი ვარ, იმიტომ რომ მისი დამსახურებაა ჩემი ყველა მიღწევა. მუდმივად სტიმულს მაძლევს, რომ წინ წავიდე და რა ვიცი, ძალიან აქტიურობს ჩემს ცხოვრებაში. საერთოდ ძალიან პესიმისტი ვიყავი და შეყვარებულმა შემცვალა, რომ ატყობს რაიმე მეზარება, მიზანის ან საქმის სირთულეს ვნებდები, მაწრიალებს. ამიტომ თუ რაიმეს მივაღწიე მისი დამსახურებაა სრულიად.

ნიჭიერის ჟიურიმ და მაყურებელმაც იფიქრა რომ თიკას ცხვირზე შეხება, როცა ვანომ იგრძნო წამყვანებთან “ჩაწყობილი” ნომერი იყო, რას იტყვი ამისშესახებ?

გულით რომ მომესურვა არავინ დამადგმევინებდა, ჩააწყობდა მაგას. ეგ ნომერი არის ვუდუ (voodoo) თოჯინის ეფექტის ჩემებური ვერსია.

როგორ ხედავ საკუთარ თავს სომავალში? 

მომვალი თითქმის მთლიანად გავთვალე… (სართოდ ყოველთვის წინასწარ ვფიქრობ მომავალზე) რა თქმა უნდა ყველა დეტალს ვერ გათვლის ადამიანი, მაგრამ  ძირითადი გავთვალე.  ჩემს მომავალში უნდა იყოს (და იქნება)  აუცილებლად ჩემი 3 წლის ოცნება,  რომ მქონდეს საკუტარი გადაცემა (სხვათაშორის ეს ჯერ არ გამომიცხადებია არავისტან) და ასევე მქონდეს ჩემი ლაივ შოუ სადაც ხალხი მოვა ჩემი ნომერების სანახავად და ლაივში ნახავს.

შემდეგ ტურში (თუ გადაგიყვანეს) დაახლოებით რას უნდა მოველოდეთ, რაიმე გრანდიოზული იქნება თუ?

ნახევარ ფინალში თუ გადამიყვანეს რა თქმა უნდა მოვამზადებ 10 ჯერ უფრო გრანდიოზულ ნომერს და რა ვიცი საინტერესო კი იქნება ნამდვილად.

და ბოლოს, გაგვარკვიე, ექსტრა სენსული თუ ექსტრასენსორული?

ამ ხელოვნებას, უნარად თუ მოვიხსენიებთ, ამ ექსტრა რაღაცას ჰქვია ექსტრასენსორიკა. ექსტრასენსორიზმი ხომ არ ერქმევა, აქედან გამომდინარე გამომდინარე ექსტრასენსორული! შესაბამისად გრამატიკული და სწორია. მარა ეტყობა სცენაზე რაღაცნაირად ვთქვი და…

ინტერვიუს დასასრულს თავისი შესაძლებლობების დემონსტრირებით გამაოცა, ჩემი ფიქრები წაიკითხა და დამახასიათა, ხმას ვერ ვიღებდი გაოცებისგან. ცოტა არ იყოს შევშინდი კიდეც. არ ვიცი, ეს ბიჭი მართლაც ნიჭიერია, წარმატებებს ვუსურვებ! წავალ ფილმ “მატილდას” ვუყურებ ისევ, იქამდე სანამ ნიკ მალფოი გრანდიოზულ ნომერს შემოგვთავაზებს შემდეგ ტურში (თუ გადაიყვანეს). დანარჩენი ემოცია და საგნების მოძრაობები შეგიძლიათ ვიდეოში იხილოთ. 

გადართე, “ნიჭიერი” დაიწყო!

პროლოგის “პონტში”: ხშირად ამბობენ სტერეოტიპულად მოაზროვნენი  და განაზოგადებენ –  ”ქალებს სერიალების ყურება უყვართ, კაცებს კი ფეხბურთის და ყოველთვის ჩხუბობს ეს ორი სქესი, თუ რომელი რომელს უყურებს”. მე კი რატომღაც ამ კატეგორიას არ მივეკუთნები, სადაც უნდათ იქ გადართონ. წლებია ტელევიზორს არ ვუყურებ,  მხოლოდ ვუსმენ, ესეც იმის გამო, რომ ყოველთვის ჩართულია და რომელიმე ოჯახის წევრი  სერიალს, ან ფეხბურთს უყურებს. ერთადერთი გადაცემა მომწონს, რომელსაც სიამოვნებითა და ძალიან დიდი მოლოდინით ველი ხოლმე. 2 წელია რაც ჩემი მოწოდება, როცა ნიჭიერი იწყება ასეთია: - გადართეთ რუსთავი ორზე, “ნიჭიერი” დაიწყო! მერე კი სერიალიც და ფეხბურთიც უკანა პლანზე იწევს და მთელი ოჯახი ნიჭიერის ყურებას ვიწყებთ.

მაყურებელს გეგა ძალიან უყვარს - ეფექტური რეკლამა.

“ნიჭიერის” ახალი სეზონის დაწყებას, განსხვავებით სხვა წლებისგან, კლუბ სენატში, ნიჭიერის შემოქმედებით ჯგუფთან ერთად აღმოვჩნდი/შევხვდი და არა სახლში ოჯახის წევრებთან. სხვათა შორის, წინა წლებისგან განსხვავებით ჯერაც არ მქონდა გააზრებული, რომ საყვარელი გადაცემა იწყებოდა. რეკლამისთვისაც არ მომიკრავს თვალი, ან იმის ბრალი შეიძლება იყოს რომ ტელევიზორს არ ვუყურებ. თუმცა ინტერნეტშიც არ შემჩეხებია რაიმე ანონსის მაგვარი, გარდა ბოლო დღეებში, ყველაზე მომგებიანი რეკლამა. აქ ბარემ თამამად ვიტყვი, რომ სოციალურ მედია კარგად მუშაობს.

წამყვანები:  იმდენად ეიფორიული სთენდაფით (კარგი მონტაჟი) გაიხსნა ნიჭიერის სეზონი, რამის მართლა დავიჯერე რომ თიკა ფაცაცია თვითმფრინავს მართავდა და აი აქ ამენთო ნათურა თავში, მივხვდი რის გამო მივსულვარ კლუბში.

ჟიური კვლავ ვანო, სოფო და გეგაა. ჯერ ნაადრევია დასკვნის გამოტანა, მაგრამ მე მაინც ვფიქრობ, რომ გეგამ ყველაზე მკაცრი ჟიურის იმიჯი დაკარგა, ყოველშემთხვევაში პირველი გადაცემიდან ასე ჩანს – გეგას, ნიშა დაემხო. ეს ის გეგა აღარაა, მხოლოდ მიმიკებით გამოხატავს უკმაყოფილებას, ან შეძახილით “აპ, აპ, აპ, აპ”.

ნოუ, ნექსთ ფლიზ! (მიმიკური პასუხი)

“მსოფლიო დონის ვარსკვლავი, ულამაზესი მომღერალი სოფო ნიჟარაძე” უკაცრავად ვანიკო, აქ დაგავიწყდა გეთქვა – მოცეკვავე და მომღერალი სოფო ნიჟარაძე. უბრალოდ შეხედე რა კარგად ცეკვავს, ჩქარებიც სცოდნია და ნელებიც, ევროპულებს და ინდურებსაც კარგად ფლობს თურმე =]

სოფო მეტად დახვეწილია წელს. მომცინარი, ობიექტური, აცეკვებული და ნაკლებად სენტიმენტალური უკეთესია. ოღონდ გადაეცით რომ დახვეული თმა საშინლად არ უხდება!

ოჰოჰო, ნომერი მესამე ჟიური, ნომერი მესამე კი არა პირველი. დიახ, ნომერი პირველი – ვანო ჯავახიშვილი. დემოკრატიის არა, მაგრამ კარგი იუმორის შუქურა ნამდვილადაა და კვლავაც ძალზედ უხდება ნიჭიერის ჟიურის ამპლუა. ერთი სიტყვით, ნიჭიერის ჟიურიში ვანო არის ყველაზე კარგი. მის გამომეტყველებებს დახედეთ და დარწმუნდებით.

მონაწილეები:

TSU art - სცენაზე დანახვისთანავე სკეპტიკურად განვეწყვე, იმდენი მილით, “თხამტამით” და ინსტრუმენტით გაავსეს დარბაზი მათი შესაძლებლობებით დავეჭვდი. თუმცა მათ მოახერხეს არამარტო ჩემი, არამედ დამსწრე საზოგადოების გაოცებაც. “ექსპერიმენტმა გაამართლა” მართლაც! და მათ პირველი გადაცემის ფავორიტებში, დამსახურებულად  შემყავს. სენატში დამსწრე მაყურებელიც სიმპატიით განეწყო, ეკრანის წინ ტაშს ვუკრავდით თითქოს ჩვენს წინ სცენაზე იდგნენ ისინი.

ჯადოქარი ან ქარი (ნიკ მალფოი) -  ”ექსტრასენსული, თუ ექსტრასენსორული?” “ექსტრასენსორული!” ამ დიალოგისას მალფოი, უბრალოდ დაიბნა.  ვამართლებ, იმიტომ რომ ყველაზე მეტად მისი გამოსვლა მომეწონა. როცა სოფოს ბავშვობას შეადარა კონკრეტული ფოტო, უკვე დარწმუნებული ვიყავი, მისი გამოსვლა ბოლოსკენ გამაოცებდა და შეგნებულად უსარგებლო ნაწილით ნიღბავდა მთავარ ნაწილს. 2 დღეა ვფიქრობ როგორ შეიძლება ფურცელი ჰაერში შეუხებლად გააჩერო, ან ჰიპნოზი ასეთი ეფექტური იყოს სცენაზე. აუდიტორიას ფლობს, უხდება სცენას, გაგვაოცა. დღის ფავორიტთა შორის, ის ნომერი პირველი მონაწილეა ჩემთვის.

ჰაიტ, ექსტრასენსული თუ ექსტრასენსორული?

გიორგი წერეთელი - ჟიურის გადაწყვეტილებას არ ვეთანხმები, არ უნდა გადასულიყო მეორე ტურში. მხოლოდ კის თქმა რომ პროგრამისტმა ფორტეპიანოზე დაუკრა (არც ისე გასაოცრად) არადამსახურებულად მიმაჩნია, მაგრამ ვაღიარებ ვიდეო გაფორმება ძალზედ მოუხდა ნომერს, გაამრავალფეროვნა.

ჰარი პოტერი - ჩემი პირველი რეაქცია მისი დანახვისას: ვაუ, ჰარი.  ალბათ იჯადოქრებს, შეიძლება კარტები ააფრიალოს და მსგავსების გამო მაინც გადაიყვანონ ტურში, როგორც შარშან ჯექსონი. აი ცეკვა რომ დაიწყო, მაშინ “wait what?”  სახე მივიღე, ორიგინალური ნომერი იყო მომეწონა. მისი პლასტიკითაც მოვიხიბლე.

ინდური ცეკვა - მესმის რომ ვანიკო კარგად გაერთო, დარბაზში დამსწრე მაყურებელიც, მაგრამ კარგად ნამდვილად არ უცეკვიათ სამი კი რომ მიეღოთ. უბრალოდ სცენაზე იტინგიცეს. არ ვეთანხმები ჟიურის გადაწყვეტილებას. საერთოდაც, ცეკვის დროს სინქრონს ყველაზე მთავარ პრინციპად ვთვლი.

ანა ქაშიბაძე - რამდენიმე თვის წინ, მსგავს გოგონას გადავაწყდი რომელიღაც ქვეყნის ნიჭიერში და მოვიხიბლე მისით, სენტიმენტალურობაც ვერ დავმალე. ძალიან გამიხარდა მსგავსი ნიჭის მქონე, ცქნაპა საქართველოს ნიჭიერშიც  რომ გამობრწყინდა, მაგრამ ისეთი ეფექტი ვერ მოახდინა, როგორც უკვე კარგად ნაცნობმა სხვა ქვეყნის წარმომადგენელმა. აი მაგალითად, პირველ წელს გულნაზი გოლეთიანსა და სუზან ბოილიზე მითქმა-მოთქმა ცხადყოფს, რომ გადაცემის პოპულარობას ასეთი კრიტიკა ხელს უწყობს. ბევრი კომენტარი წავიკითხე გადაცემასთან დაკავშირებით, წერენ რომ ახალს მოელიან, განსხვავებულს და ა.შ. განსხვავებული მონაწილე ანა კი ვერ მიიღეს, არადა ყველაზე განსხვავებული მონაწილეა და საკმაოდაც ნიჭიერი თავის ასაკთან შედარებით. კი, ის ნიჭიერია, რადგან ენაკვიმატია, საოცარი გამბედაობა აქვს ამხელა აუდიტორიის წინაშე ითამაშოს, გამოხატოს უსაზღვრო სითბო. მოკლედ, ანა თუ რაიმე პერფომანსს შემოგვთავაზებს და მხოლოდ ლექსის ემოციურად წაკითხვით არ შემოიფარგლება მეტად გაგვაოცებს შემდეგ ტურში, თავისთავად არ გავბრაზდები გახდეს ის წლის ნიჭიერი.

ყველაზე სენტიმენტალურებეეეე

საბოლოოდ, საღამო სენატში  ერთი აღფრთოვანებული შეძახილით დამთავრდა. მაია ასათიანი ანა ქაშიბაძეს ყვლაზე სენტიმენტალურ გადაცემაში იხმობს.
- ვაიმე, ეს ბავშვი პროფილის შემდეგი სტუმარი იქნება!

ბონუსად ფოტო რომელიც ერთ-ერთმა ფრენდმა მომაწოდა.