პრობლემა, რომელიც დღეს ყველას ეხება, მათ შორის შენც!

სქესობრივი გზით გადამდები ინფექციები

სქესობრივი გზით გადამდები ინფექციები, იგივე სქესობრივი გზით გადამდები დაავადებები აერთიანებს დაავადებათა ძალიან დიდ ჯგუფს, რომლის გამომწვევი ადამიანიდან ადამიანს გადაეცემა მხოლოდ ან უპირატესად სქესობრივი კონტაქტით.

მსოფლიოში ყოველწლიურად სგგი-ით (სქესობრივი გზით გადამდები ინფექციები) დასნებოვნების 350 მილიონი ახალი შემთხვევაა. მატულობს ინფიცირებული მოზარდების და ახალგაზრდების რიცხვი.

სქესობრივი გზით გადამდები დაავადებების სიხშირის მნიშვნელოვანი მატება დაკავშირებულია შემდეგ ფაქტორებთან:

● სქესობრივი ცხოვრების ადრე დაწყება
● სქესობრივი პარტნიორების ხშირი გამოცვლა
● პრეზერვატივის გამოყენებაზე უარის თქმა
● თვითმკურნალობა
● არასაკმარისი ინფორმაცია

ყველაზე გავრცელებული სგგი:

● ადამიანის პაპილომავირუსი
● სიფილისი
● გონორეა
● ტრიქომონიაზი
● მიკოპლაზმოზი
● ქლამიდიოზი
● ჰერპესვირუსი
● აივ/შიდსი
● B/C ჰეპატიტი
● სოკოვანი ინფექცია
● ტომეგალოვირუსი
● ბოქვენის ტილი

სქესობრივი გზით გადამდები ინფექციები იწვევს:

● საშარდე და სასქესო ორგანოების ანთებით დაავადებებს
● ქალისა და მამაკაცის უშვილობას
● ორსულობის შეწყვეტას ადრეულ ვადებზე, ნაადრევ მშობიარობას, მკვდრადშობადობას
● ახალშობილის სხვადასხვა პათოლოგიას-სიმახინჯეებს, გონებრივ ჩამორჩენილობას
● სასქესო ორგანოების სიმსივნეებს (კიბო)
● ღვიძლის დაზიანებას
● სახსრებისა და თვალების ლორწოვანის დაავადებებს
● სქესობრივ დისჰარმონიას

როგორ იშიფრება აივ/შიდსი?
აივ-ადამიანის იმუნოდეფიციტის ვირუსია, შიდსი-შეძენილი იმუნოდეფიციტის სინდრომი.

როგორია მსოფლიო სტატისტიკა?
მსოფლიოში 40 მილიონზე მეტი ადამიანია აივ ინფიცირებული, დაიღუპა მოსახლეობის 25 მილიონზე მეტი.

რა ხდება საქართველოში?
საქართველოში რეგისტრირებულია 1850 ადამიანი, მათ შორის 1381-მამაკაცია, 459-ქალი. ნახევარზე მეტი ინტრავენური ნარკომანია. შიდსი განუვითარდა 968 პაციენტს, გარდაიცვალა -405.

რა გზით გადაეცემა ?
ყველა სახის სქესობრივი კონტაქტებით, ინფიცირებული სისხლით (სისხლის გადასხმა, დაბინძურებული შპრიცების, სამედიცინო ინსტრუმენტების გამოყენება, მანიკური, პირსინგი, ტატუირება); ინფიცირებული დედიდან შვილზე ორსულობის, მშობიარობის, ძუძუთი კვების დროს.

რა გზით არ გადაეცემა აივ/შიდსი?
● კოცნით, დაცემინებით, დახველებით
● საერთო ჭურჭლის, აბაზანის, აუზის სარგებლობით
● ხელის ჩამორთმევით, მოხვევით
● საზოგადოებრივი თავშეყრის ადგილებში ერთად ყოფნით
● მწერის და ცხოველის ნაკბენით

როგორ დავიცვათ თავი აივ/შიდსისგან?
● არ გამოიყენოთ ნარკოტიკები!
● თავი შეიკავეთ შემთხვევითი სქესობრივი კავშირებისგან, უკიდურეს შემთხვევაში გამოიყენეთ პრეზერვატივი!
● იყოლიეთ ერთი სქესობრივი პარტნიორი!
● არ ისარგებლოთ სხვისი ნახმარი შპრიცით, კბილის ჯაგრისით, საპარსით!
● სტომატოლოგთან ვიზიტის, მანიკურის/პეძიკურის გაკეთების დროს დარწმუნდით ინსრუმენტების სტერილობაში!

რა ნიშნები ახასიათებს დაავადებას?
● უმიზეზო ცხელება
● ძლიერი საერთო სისუსტე
● ლიმფური კვანდების გადიდება
● წონის მნიშვნელოვანი კლება მოკლე პერიოდში
● ჭარბი ოფლიანობა
● ფაღარათი (კუჭის აშლილობა)
● წყლულები, გამონაყარი კანზე და ლორწოვანზე
● გახანგრძლივებული ფილტვების ანთება და ხველა…

ვის ემუქრება ყველაზე მეტად?
● ნარკომანებს
● ჰომოსექსუალებს
● მეძავებს
● მრავალი სქესობრივი პარტნიორის მყოლ პირებს
● მოგზაურობაში მყოფ ადამიანებს
● სქესობრივი გზით გადამდები დაავადებით ინფიცირებულებს

ინფორმაცია დაკოპირებული არაა

დარდისგან მწვანე გამხდარა

რა არის ტვიტერი?
როგორ გამოვიყენო tweet.ge? (ჰჰჰკლიკე)

თუ მოგეწონა დააჭირე აქ
ეს იყო მაშინ…

ტვიტერის არქივი
დღე I
katerina მგონია რიჩარდოს ვუყვარვარ…
richardo ვაი თუ არ მოვწონდე და ჩემი სიყვარული არაფრად ჩააგდოს
richardo რაც იქნება იქნება ხვალ სიყვარულში გამოვუტყდები

დღე II
@katerina გეხვეწები შემიბრალე, ხომ ხედავ, ვკვდები შენი სიყვარულით
@richardo ვაი თუ მე უარესად ვკვდებოდე შენის სიყვარულით
@katerina მე მუდამ მზათა ვარ შენი სურვილი ავასრულო
@katerina ჩემო მშვენიერო, როგორმე აივანზე დაწოლა მოახერხე.
@richardo თავს შემოგევლე, თუ-კი შენ გაბედავ ამ აივანზე ამოსვლას, ნუ გეშინიან, გავბედავ და დავწვები.

“კოცნით რომ გული იჯერეს, დაწვნენ, რამდენჯერმე ამღერეს ბულბული, მაგრამ იმდენჯერ მაინც არა , რამდენჯერაც ერთსაც და მეორესაც უნდოდა . ეს ჩიტი, სულის მოსათქმელად, სიმღერას სვენებ სვენებით ამბობდა. რამდენიც განაახლებდა სიმღერას, იმდენათ უფრო ტკბილი ხდებოდა ეს სიმღერა. ერთ-ერთი შესვენების დროს, რომელიც დიდხანს არ გაგრძელდებოდა, ჩვენს საყვარლებს, მოწყვეტილებს ზოგი დაღლილობისგან, ზოგიც სიცხისგან, გათენების ხანს ჩაეძინათ. ქალს მარჯვენა ხელი საყვარლისათვის ჰქონდა მოხვეული, ხოლო მარცხენაში ეჭირა ის, ის ჩიტი…”

ჯოვანი ბოკაჩომ ეს ჯერ კიდევ მეთოთხმეტე საუკუნეში დაწერა.

ეს არის ახლა…

სახელი: ტვიტერი
გვარი: მტვიტავი
დაბადების თარიღი: 09.07.2010
პირადი ნომერი: 00005
მისამართი: tweet.ge

“ის ჩიტი”, ტვიტერი იყო წინა ცხოვრებაში, რომელიც ბოკაჩომ თავისი ფანტაზიით აღწერა. სულ ახლახანს საქართველოში სტუმრად ჩამოფრენილა. თუ მოვუვლით და ვუერთგულებთ, აამღერებთ, თუნდაც სვენებ სვენებით, ხელში დაიჭერთ და არ გაუშვებთ, სამუდამოდ ჩვენს გვერდით იქნება.
“ზღვისიქეთიდან ამერიკელი ჩიტი მოიყვანეს და საოცარია, დარდით მწვანე გამხდარა… თავისუფალი და მწვანე ფერის!”. ამბობს ქართველები სტუმართმოყვარე ხალხი ნაკლებათ ყოფილანო.
“ახლა მე ის მადარდებს,
ჩვენს ქალაქში რომ ბუდობს,
იმ ჩიტუნამ კვერცხები
აქ ვის უნდა ჩაუდოს?”
იყავი სტუმართ მოყვარე და ნუ გააფრენ უკან დარდისგან გამწვანებულ ჩიტს გაუკეთე ბუდე და ამღერე მუდამ. ის შენი მეგობრებს ბუდეებს მოივლის და შენს ნათქვამს ამცნობს
მას დროებით ორი ბუდე აუშენეს და აუცილებლად მოინახულე, სტუმრებს ელოდება. პირწიგნაკელთა სასტუმრო
ტვიტერ-პალასი

წავედი!

იმდენი იდეა მაწუხებს პოსტის დასაწერად, მაგრამ ვერ ვწერ მეზარებასავით, ალბათ სიცხის ბრალია, ტვინი მიდუღს. ამიტომ გადავწყვიტე ერთი კვირით წავიდე დასასვენებლად, წავალ სოფელში თუ იქაც ძლიერმა სიცხემ არ შემაწუხა დავრჩები ერთი კვირით… დიდ დროს დავუთმობ ძილს და კითხვას, ნათესავების გარემოცვაში გავერთობი. მშვენიერია, გავეცლები თბილისის აუტანელ სიცხეს და ასევე იმ ადამიანებს რომლებმაც უკვე თავი მომაბეზრეს და ურთიერთობა დღითიდღე გვეძაბება. მშობლებს ერთ მშვენიერ აზრს მივწვდი და იქნებ მიშველონ, ჩემს ნებაზე ცოვრებაში ხელი შემიწყონ და მშვიდად განვლო დარჩენილი ცხოვრება. თუ კომპიუტერთან მოვხვდი ტვიტერზე პოსტის დაწერა მინდა… ჰოდა, ერთსაც ვიტყვი მიყვარხართ ყველა ვინც ჩემ ბლოგს კითხულობთ და მიხალისებთ ცხოვრებას.

tweet.ge-ის პრეზენტაცია

9 ივლისს ეკონომიკის სამინისტროში www.tweet.ge-ის დახურული პრეზენტაცია გაიმართა. მოსაწვევები დაგვეგზავნა დაახლოებით ოცდაათიოდე ბლოგერს, სადაც მეც მოვხვდი.

მოსაწვევი

იმედია tweet.ge-ის საუკეთესო მხარეებს შემდეგში დავწერ. მანამდე კი ინფორმაციის ნახვა ამ ბმულით არის შესაძლებელი. პრეზენტაციის შემდეგ, ორიგინალური ჩანთებით საჩუქრები გადმოგვცა სინგულარ ჯგუფმა ჟურნალისტებს და ბლოგერებს, მაისური tweet.ge-ის წარწერით და QR კოდით, კალამი, სტიკერი და ბეჯი ჩვენი სახელით და გვარით.

გაზეთისგან გაკეთებული ორიგინალური ჩანთა

მოამბეში გაგვაშუქეს :დდდ

პრეზენტაციის დასასრულს, ჩვეულ, ბლოგერების საყვარელ ადგილას, ვერის ბაღში გადავინაცვლეთ, ლუდის და არაყის ზემოქმედების ქვეშ მყოფებმა, ვისაუბრეთ, ვიცინეთ და ნელ ნელა დავიშალეთ… დანარჩენი ემოციები და სახეები ფოტოებზე ნახეთ

დასასრული

მე და კნუტი

ნეტ გაზეთთან ინტერვიუ და ყვავას ხუბრობებზე გაბადრული სახეები

tweet.ge-ის პირველი მომხმარებლები

ლეონსიო ალაჰს შენდობას სთხოვს

ალკოჰოლის ზემოქმედების ქვეშ მყოფნი

ორი სამყარო IV

ორი სამყარო (ნაწილი I)
ორი სამყარო (ნაწილი II)
ორი სამყარო (ნაწილი III)

***
ისევ დაღამდა და ფიქრებში გაიცრიცება, შობს დღეს და ისევ შენ… აღმოვაჩინე, ქარი წარმდგარა, ძინავს, მაგრამ სულში ქარშხალი ისევ ჩამდგარა… ლეწს… ლეწს ყველაფერს, რაც კი შექმნილა ჩემში… მხოლოდ, ვერ წაგშალა გულის ფიცრიდან შენ…
და მივმართე ადამიანურ ფილოსოფიას… ვიწყებ….
თუ ვინმეს აქვს ცხოვრების სხივი, ჩემთვის ხარ შენ!
ის მათბობს და უკუნს ხევს.
შუქი ჩაქრა, მე კი არ ვნებდები, მთვარის შუქზე ჩანს კონტური ფიქრის, ხელი ჩაგკიდე შენ!
… გამიკვალავ ბნელს.
მეღიმება, მინდა გიყიდო ფაჩუჩები, ჩაგაცვა ფეხზე, რომელიც შემოდგი ჩემს სამყაროში როდესაც, მალულად გადასწიე ვარდების ფარდა და იმ წამიდან შენი გახდა ჩემი სამყარო! იცოდი ეს?
კითხვა ხმამაღლა გამომივიდა, მესმის დედის ხმა:
- ,,რა?”
თავს ვიკატუნებ, ვითომ ვბოდავ, რა მენაღვლება? შენს სახელს მუდამ ვიბოდებ და ახლაც…
მე მსიამოვნებს, შენ?

.

,,რა აჩხუბებს ამ ხალხს?” – მაფხიზლებს ხმაური, უსიამოვნოდ ვიხედები გარეთ – ,,რა ხდება?”
მხოლოდ ფრიალებს მატერია, თეთრი, სპეტაკი და ამ სიტყვაზე გიბრუნდები ისევ შენ – რომელსაც გაჩუქე ცა, გაჩუქე მთვარე და სევდის ფარდა…
მელნის ტბა, რომლის ფერიც თვალებს მოვპარე და რომლის ფსკერიც შენი სახე გახდა…
,,ეს ვარდი ჩემია?” აციმციმებულ თვალებს დასტყობია ნატვრის კოცნა…
და გეფერები,,
,,მე შენ გაჩუქე ჩემი სამყარო ამ ვარდიანად.
რა, არ იცოდი?”
აქ ყვავილები შენს წინაშე იდრეკენ ნაზად ფერად ქოჩორს…
ღამის ჰანგები დადუნებენ შენთვის და ნატრობ:
,,არასდროს, არასდროს მორჩეს!”
…ოცნება გაქრა…
- ,,ისევ გღვიძავს? – მეკითხება.
- ,,სამეცადინო დამრჩა” – ვიტყუები და მიხარია, პატარა ბავშვს რომ უხარია სიმართლის მალვა…
,,ნუ მართმევ ფიქრებს, ოცნებებში დავბორიალობ” – ვამბობ გულში…
- ,,რას დაბორიალობ?” – იმეორებს იგივე სიტყვებს… იძინებს… და მე ისევ შენი ვარ, სწევ ფარდას, ხელს მკიდებ, ორივენი შევდივართ… ჩვენს სამყაროში…
დათბა…

***
- მე ის მიყვარდა ,,მო” … ახლა, როდესაც წარსულს ჩაბარდა… ის ჩემთვის მაინც აწმყოა… და მაშინ იქნება წარსული, როდესაც მას დავივიწყებ… იმდენად ძვირფასია ეს ყველაფერი… იყო დრო, როდესაც ყველაფრის დავიწყებას ვცდილობდი… ახლა კი ღიმილია… სითბოა, რომელიც წარსულიდან გადმომყვა… ,,მო”, შენ ყოველთვის ჩემს გვერდით იყავი… შენ ეს ყველაფერი იცი… ვიცი, მაგრამ, ზოგჯერ ადამიანებს უყვართ საუბარი… მე კი შენთან საუბარი… მთელი ამ დროის მანძილზე, დავრწმუნდი იმაში, რომ მართალს ამბობენ, რომ მოპოვებაზე რთული შენარჩუნებაა… მაგრამ, ალბათ ეგეცაა, თუ სწორედ იმას მოვიპოვებთ, რაც ჩვენთვისაა, შემდეგ ყველაფერი იოლია… ,,მო” შენც ხომ იცი…
ალბათ… საყვარელ ნივთებს უფრო გულმოდგინედ უვლიან და უფრთხილდებიან, ვიდრე საყვარელ ადამიანებს… მეტიც, მათგანაც ითხოვენ საპასუხოდ… მე უკვე ვხვდები რომ ის, რასაც ვაკეთებ, უნდა მოდიოდეს გულიდან და უბრუნდებოდეს ჩემსავე გულს, არ მოვთხოვო ადამიანს მხოლოდ იმიტომ, რომ გავეცი… ხშირად გული გვწყდება, რადგან, როდესაც ადამიანი მისთვის დიდს და ძვირფასს გაიღებს, სანაცვლოს ითხოვს, რეალურად შეიძლება მიიღოს კიდეც, მაგრამ მას ასე არ ეჩვენებოდეს…
ეს ყველაფერი მესმის ,,მო”, ვცდილობ გავიზარდო… მაგრამ მე ხომ ეგოისტი ვარ, ცოტათი მაინც… იქნებ ეგოისტი კი არა, სითბოს მოყვარული… მინდა გამათბოს ცეცხლმა, რომელიც დავანთე…
ამ ბოლო დროს ვისწავლე, გავმიჯნო სურვილები და აუცილებლობები… ვისწავლე, რომ საჭიროა ყოველი წუთი და წამი, ყოველი სიტყვა და ენერგიის უკანასკნელი წვეთი მათ ვაჩუქო, ვინც ჩემთვის ძვირფასია… ვცდილობ… ბოლომდე…
,,მო”, დაკარგულს ვერ დააბრუნებ, რადგან უკვე დაკარულია, წარსულს ვერ დააბრუნებ, რადგან უკვე წარსულია, მაგრამ განმეორება შეიძლება ზუსტად იმდენჯერ, რამდენი წამიც მომავალს დარჩა…

***
მე დავამარცხებ დემონს იმდენჯერ, რამდენჯერაც საჭირო გახდება…

დ ა ს ა ს რ უ ლ ი

ავტორი: თეო ჯინჯიხაძე

ვზასაობთ ყველა!

● კოცნას მოქმედებაში მოყავს სახის 200 კუნთი. ასეთი სახის “ვარჯიში” წარმოადგენს ნაოჭების პროფილაკტიკას.
● კოცნის დროს წყვილი ერთმანეთს გადასცემს ნივთიერებათა კომპლექსს (ცხიმებს, მარილებს), რაც თავის მხრივ აძლიერებს იმუნიტეტს.
● რომანტიკული კოცნისას იწვება 2-3 კალორია, ხოლო ფრანგული კოცნის დროს კი ხუთი და მეტი.
● კოცნისას ტუჩები 200-ჯერ უფრო მგრძნობიარეა ვიდრე თითები.
● მამაკაცები რომლებიც სამსახურში წასვლის წინ კოცნიან მეუღლეებს, 5 წლით მეტხანს ცოცხლობენ.
● ვნებიანი კოცნა რომელიც 90 წამზე მეტხანს გრძელდება იმ მომენტში ზრდის წნევას, პულსს და ჰორმონების რაოდენობას სისხლში.
● კოცნის დროს ორგანიზმში გამომუშავდება ნარკოტიკული ნივთიერება რომელიც 200-ჯერ ძლიერია მორფინზე.
● სწორედ ამიტომ კოცნისას ადამიანი განიცდის სიხარულს, ბედნიერებას, გაოცებასა და თავბრუსხვევას.
● ქალებს კოცნა ეხმარებათ დამშვიდებაში და სტრესის მოხსნაში.

მუჰ

აჰამ, დღეს კოცნის დღე ყოფილა. ხედავთ კოცნას რამდენი სიკეთის მოტანა შეუძლია თქვენთვის? ამიტომ მოგიწოდებთ, ჯერ კიდევ გაქვთ დრო, გადით გარეთ და დაკოცნეთ ყველა :დ ვინც ბათუმში ხართ გადით პლაჟზე, მმ რა კარგია, ზღვა, პლაჟი კოცნა, აიიიჰ :დ ლოოლ
კოცნის დღე 6 ივლისს, გაერთიანებულ სამეფოში დააწესეს და მისი მთავარი იდეაა – ქაოსურად აწეწილ სამყაროში ადამიანებმა ცოტაოდენი სიამოვნება მაინც მიიღონ. შანსი ეძლევათ ერთ დღეს აკოცონ იმათ, ვისზეც სიზმარშიც კი ვერ იოცნებებდნენ.
მე ვინ მაკოცებს? …. შენ ვინც კითხულობ, არ გინდა გაკოცო?
არა? ჰო კაი :სუნ:

იუჰუუ, შესაფერისი დროა, ამიტომ საყვარელი ვიდეოც გამოვიყენე პოსტისთვის… ბიჭები არიანო, გოგოებიო, არა რას ამბობ ბიჭი და გოგოო… მე ეს ყოველივე მკიდიან! :ტკბობა სმაილი:

ინფორმაციისთვის მადლობა, უი ჩემ მოგვარე komisa-ს

twitter-tweet

დამეხმარე მოვიგო ლეპტოპი, დააჭირე ამ წინადადებას

გინდა შენი ხმა მთელმა მსოფლიომ გაიგოს?
გსურს შეატყობინო მეგობრებს შენს ცხოვრებაში მომხდარი ცვლილებების შესახებ?
გინდა გაიგო სიახლე და ახალი ამბები ყველაზე სწრაფად, ან შენთვის სასურველ ინფორმაციას თვალი ადევნო?

თუ ზევით დასმულმა შეკითხვამ დაგაინტერესა სოციალური ქსელი-ტვიტერი შენთვის არის შექმნილი.
ტვიტერს 100 მილიონზე მეტი მომხმარებელი ჰყავს:
● უძრავი ქონების აგენტები
● ბლოგერები (@problogger)
● მსახიობები (@aplusk)
● მუსიკოსები (@ladygaga)
● ჟურნალისტები (@nytimes)
● პოლიტიკოსები (@barackobama)
● წიგნის ავტორები (@paulocoelho)
● სულიერი წინამძღვრები (@dalailama)
სხვა პოპულარული ადამიანების ნახვა შესაძლებელია ამ ბმულის საშუალებით

რა არის ტვიტერი? ტვიტერი გაძლევს მინი ბლოგინგის საშუალებას, იგი დაგეხმარება ინფორმაციის სწრაფად გავრცელებასა და მიღებაში. გარდა იმისა, რომ ტვიტერი ინფორმაციის საბადოა ძალიან აახლოებს ერთმანეთთან მის მომხმარებლებს.
ტვიტერს სხვა ქსელებისგან განსხვავებით უამრავი უპირატესობა აქვს:
● ღია ქსელი და უამრავი მიმდევარი
● ლაკონური-140 სიმბოლო
● ინფორმაციის სწრაფად გავრცელება RT, #, @ სიმბოლოების საშუალებით
● მარტივი, მაგრამ უამრავი შესაძლებლობების მქონე
● სტატუსების განახლება ყველა სოციალურ ვებ-გვერდზე

facebook-ს რომ შევადაროთ, მისი პროფილი ლიმიტირებულია 5 000 მეგობარზე, ასევე არაპროფესიონალურია და არ აკონტროლებს ადმინი, არის მრავალი ცრუ პროფილი ცნობილი ადამიანების!
twitter კი ულიმიტოა, მეგობრების დამატება უსასრულოდ შეგიძლია და ბევრად უფრო სწრაფ კომუნიკაციას გვთავაზობს! ასევე ხდება კონტროლი პოპულარული ხალხისა. შემოწმებულ პროფილს კი ეს წარწერა ახლავს (verified account) , რაც ადასტურებს ცნობილი ადამიანის პროფილის რეალურობას, სადაც თვითონვე ტვიტავს სიახლეებს.

ტვიტერზე რეგისტრაცია მარტივია, დააჭირეთ ამ ბმულს და შემოგვიერთდით! დაიმატეთ მეგობრები (Follow-ს საშუალებით) და ადევნეთ თვალი საინტერესო ადამიანებს!

tweet.ge

თუ ტვიტერზე დარეგისტრირდი მაშინ ეს სერვისი შენთვის შეიქმნა! საქართველოში singular ჯგუფმა ძალზედ საჭირო და ჩემთვის მოსახერხებელი, ტვიტერთან დასაკავშირებელი მობილური სერვისი შექმნა. www.tweet.ge ეს არის უფასო მობილური სერვისი, რომლის მეშვეობითაც ტვიტერის სტატუსების განახლება SMS-ის საშუალებით შეგიძლია. www.tweet.ge-ის მობილური სერვისი განსაკუთრებით მოსახერხებელი მაშინ არის, როდესაც დასასვენებლად ხარ, კომპიუტერი თან, ან საერთოდ არ გაქვს… აქციაზე იმყოფები და ინფორმაციის გავრცელება გესაჭიროება, რომლის წვდომა სხვას არ აქვს, ამიტომ შემოუერთდი ახალ, კომფორტულ და უფასო სერვისს. ასევე შენ გეძლევა შანსი www.tweet.ge ის საშუალებით ერთდროულად განაახლო სტატუსები სხვა სერვერებზე მაგალითად: facebook, myspace, skype, blog/website…

ამ ფუნქციების შესასრულებლად ორი უმარტივესი ნაბიჯი უნდა გაიარო:
1. მიაბი მობილურის ნომერი შენი ტვიტერის ანგარიშსს (აქედან დააჭირე www.tweet.ge)
2. გააგზავნე SMS შეტყობინებაის ტექსტი ნომერზე 897 89 89 89

ამის შემდეგ შენი გაგზავნილი შეტყობინება, რომელიც ინგლისური ასოებით დაწერე რამოდენიმე წამში შენს ტვიტერზე (ასევე თუ მიაბამ სხვა ქსელებს, ყველგან განახლდება) შეტყობინება ქართულ ენაზე გამოქვეყნდება!
თუ გსურს, რომ ინგლისურ ენაზე განთავსდეს შენს მიერ გაგზავნილი SMS წინ მიუწერე E!, თუ ტექსტის ნაწილი გსურთ ინგლისურად, მაშინ სასურველი მონაკვეთი ჩასვი მეტობის და ნაკლებობის სიმბოლოებში

მომყევი,ამედევნე ტვიტერზე @aaadddooo
აედევნეთ @theTWEETge და მისგან შემოთავაზებულ სიახლეებს.
შემოგვიერთდით facebookce-ზე

დეზინფორმაცია გავრცელდა, ამიტომ ჩავასწორებ, ყველა მობილური ოპერატორიდან არის შესაძლებელი მობილური სერვისის გამოყენება და არა მხოლოდ ბილაინიდან!

————————————————————————————–

ჩვენ ვზრუნავთ თქვენი კომფორტისათვის : )

გამივრცელეთ ეს ბმული გთხოოვთ http://www.singular.ge/contest/r.php?link=00005

ყელში მაქვს გაჩხერილი

უუჰ

5 დღეა სიგარეტის მოწევას მოვუხშირე, რაც ძალიან არ მომწონს. ვერ დავიდა ჩემ თავამდე, რომ სიგარეტი კლავს და სიცოცხლეს მისწრაფებს. რამოდენიმეჯერ თავიც გამინებებია, მაგრამ სამი თვის შემდეგ ისევ გამიგრძელებია. მიუხედავად იმისა რომ მწეველი ვარ სხვის მიერ ნაფაზ “დარტყმული” სიგარეტის კვამლი მაღიზიანებს. რაც უფრო მეტად მივეცემი მოწევისგან მიღებულ სიამოვნებას, მით უფრო მეტად მახრჩობს ყელში რაღაც, თანდათან იზრდება და სუნთქვის საშუალებას არ მაძლევს ან საკვების მიღებისას, თუნდაც ნერწყვის ჩაყლაპვისას, ხელს მიშლის. ერთი სიტყვით ყელში მაქვს გაჩხერილი. :დ ამიტომ, ცოტა გვიან, მაგრამ დროულად გადავწყვიტე, თუ მინდა მომავალი, თუ მინდა სიცოცხლე, მაშინ მზად ვარ სიგარეტის მოწევა დავივიწყო, გადავეჩვიო და განვაგდო! ბევრჯერ მითქვამს მსგავსი ჩემი ცნობიერისთვის მაგრამ, ალკოჰოლის დალევა და ნიკოტინისგან განცდილი ვნების წყურვილი დროული აქსიომაა ჩემთვის. ფიფლ, აი ემ სოუ ბედ!!!

ორი სამყარო III

ორი სამყარო (ნაწილი I)

ორი სამყარო (ნაწილი II)

***
კოცონი ტკაცუნებს, ნაპერწკლებს ისვრის… თავს იკლავს რომ მეგობრები გაათბოს…
ფეხის ხმა გაისმა… სტუმარი ღვთისაა, ვერაფერს იტყვი…
- … შენ გეშინია მეგობრის შეძენა იმიტომ, რომ ბევრჯერ დაკარგე, და არ გინდა, იგივე განმეორდეს… გეშინია ტკივილის…
იმედგაცრუების… აღარ გაქვს ნდობა…
უსმენდა სტუმარს… და ფიქრობდა… დაუფიქრებლად არ უყვარდა პასუხის გაცემა, მართლაც რომ სჯობს იფიქრო და ისე თქვა, ვიდრე თქვა და ამაზე შემდეგ იფიქრო…
- ეს მოხდა, მეც ვიცი რომ შეიძლება კიდევ განმეორდეს ან არ განმეორდეს… მე ისიც ვიცი, რომ ყველას ერთი საზომით ვერ აზომავ და ერთ სასწორზე ვერ დააყენებ… უბრალოდ მე ვარ უფრო ფრთხილი, ვიდრე ვიყავი აქამდე… ან კი ვიყავი? ხშირად გვგონია, ყველაფერს ვაკონტროლებთ და ამ ფიქრებით ისე ვერთობით რომ მართლაც ვერთობით…საქმე ის კი არაა რამდენად ფრთხილი და დაკვირვებული იყავი.. საქმე ისაა, რამდენ ხანს იყავი… დროს სასრული არ გააჩნია… მუდმივად იქნება… მუდმივად იქნება წარსული და მომავალი… ის უსასრულოა და თავად უსასრულობის ისტორიაა დრო…
შენ შეგიძლია გახდე ჩემი თანამგზავრი, და დრო გვიჩვენებს რა იქნება შემდეგ…

***
ქალი და კაცი ერთმანეთს შეხვდნენ… კაცმა ხელი გადაწია და ვარდი მოწყვიტა… მიართვა… ქალმა მორცხვად დახარა თავი და გამოართვა…. შენიშნა, სისხლის წვეთები ძირს ეცემოდა… რომელიც კაცს სდიოდია ხელიდან… დაიხარა, სათითაოდ აკრიფა და გულზე მიიბნია… ხელი ვარდის ფურცლებით გადაუხვია… ამას რომ აკეთებდა, შენიშნა, ლურჯი წვეთები ძირს ეცემოდა… ის კაცის გულიდან წამოსული ცრემლები იყო… ხელი შეუშვირა და თმებში შეიპკურა…

ბილიკს გაუყვნენ… ვარდის ფურცლების ბილიკს, რომელიც ზეცაში ადიოდა… სულ მაღლა რომ ავიდნენ, ქვეყანას გადმოჰხედეს. ყველაფერი ხელსიგულივით ჩანდა. ჩიორა შვილს ეფერებოდა, ფოთლები ერთმანეთს ეჩურჩულებოდნენ… წყარო კენჭებზე ისწორებდა თმებს…
შენიშნეს, სარკმელთან პაწაწა იდგა და ხელს უქნევდათ…
მათ კოცნა გაუგზავნეს, რომელმაც ფრთები გამოისხა და სარკმელთან მიფრინდა… ფრთების ყოველ ფარფატზე ვარდისფერი ფიფქები ცვიოდა, კოცნა ჯერ მარჯვენა მხარზე დააჯდა… შემდეგ – მარცხენაზე… ისე, რომ პატარა ვარდისფერი შარავანდედით შეიმოსა… შემდეგ, თმებზე დაასკუპდა და სითბო, სიყვარული გადასცა მათგან…
კაცმა ღრუბელს უხმო, რომელიც შორიახლო დაფრინავდა… ორივენი ზედ გადასხდნენ… მაშინ კაცმა ინატრა დაღამდესო და დაღამდა…
ვარსკვლავების მატერიაში აღმოჩნდნენ.. კაცმა ვარსკვლავი ჩამოხსნა და ქალს თმებზე დააბნია… ქალმა გულზე მიადო თავი… ,,მიყვარხარო”… ,,მეცო”…
გულმა მელოდია ამოიკვნესა და მათ ცეკვა მოუნდათ… ფიქრები ერთმანეთს ემთხვეოდნენ და… აცეკვდნენ…
მან გრძნობდა აჩუქა, კაცმა გულის სიღრმეში შეინახა და თბილი ცეცხლი შეუნთო… გათბებაო… ხელზე ეამბორა… მაგრად მიიხუტა მკერდზე…
მაშინ ინატრა და ირგვლივ ქნარის ხმა გაისმა…. თბილმა და ნეტარმა გრძნობამ ვარდისფრად გაანათა… სახე გაუბრწყინდათ… მთვარეზე ჩამოსხდნენ…. დაიღლებოდიო, კაცმა…
მთვარემ გაიგო მათი გულების ფეთქვა და აროკდა… შეირხა.. რწევა დაიწყო რიტმში….
სიო სახეს ელამუნებოდა, მათ გულებში გადადიოდა და ერთმანეთის გრძნობებს მაჭანკლობდა…
გცივაო? – ჰკითხა კაცმა.
არაო, შენ მათბობო მიუგო და ეს ყოველივე უკლებლივ მიუტანა ნიავმა მის გულს…
უკან ვარდის ფურცლების გზით წაგიყვან… მხოლოდ თეთრ რაშზე ამხედრებულს… ეს რომ თქვა, მართლაც გამოჩნდა თეთრი მერანი….
მალე დავბრუნდებითო მთვარეს დაუბარეს და სახსოვრად თმის კულულები დაუტოვეს…

***
ნუ მეტყვი, როგორია სამყარო, კარგი თუ ცუდი… მკითხე, მე როგორ აღვიქვამ მას…

***
ხის ფოთლებიდან ჩიტების ხმა ისე ისმოდა, თითქოს თავად ფოთლები გალობდნენ, ნელი სიო თმებზე ეთამაშებოდა, ბალახებს ჩახუტებული მაინც ვერ იცილებდა აბეზარ აზრებს… ,,მო” მოლზე ნებივრობდა…
- ,,მო”, შენ ფიქრობ რომ ეს დასაწყისი უკვე ნიშნავს დასასრულს? ძნელია წერტილის დასმა, მელანი გათხელებულა… მე დიდი ცინიკოსი ვარ, მაგრამ… ვიცი, რომ ცხოვრება იმ მასწავლებელს ჰგავს, ურჩ ბავშვს რომ სჯის… მე არ მეშინია მისი სასჯელის, მე მეშინია დანაშაულის… ახლა, როგორც არასდროს, იმდენი დრო მაქვს ფიქრისთვის, მაგრამ რა აზრი აქვს მას თუ შემდეგ დავივიწყებ? ჭეშმარიტი აზრი სინამდვილის სწორი აღქმაა, და რადგან ხშირად გავურბივართ რეალობას, ჩვენივე აზრები გვღუპავენ ჩვენ… წინ მთელი ცხოვრება მაქვს, მაგრამ არ ვიცი, რამხელაა ის… მართლაც და, მე ვიკითხავდი, ვინ განსაზღვრა ავ-კარგი, სწორ-მართალი, მაგრამ მე ვცხოვრობ ქრისტეს შობიდან… და ეს თარიღი უკვე პასუხია… უფალმა მოგვცა ის სანიშნები, რომლებიც გზას გვიჩვენებს….
არ ვიცი ,,მო”… ვხვდები, რომ ვჭირდები, მე იმის მიცემა შემიძლია მისთვის, რაც აკლია… და სხვას არაფერს აქვს მნიშვნელობა…
არც ჩემთვის…

***
ფიქრებს ვერ გავექეცი…
არა ვარ ერთი! შენ ჩემში ხარ… ჩემი ტკივილი და მონატრება!

***
,,რატომ?” – ამოიკვნესა დაღვრემილმა…
- მეტირება… სიკვდილი მინდა… მოვკვდები…
- მეორედ არ თქვა… – აღელდა…
- მაპატიე, მაგრამ ასეა… შენ ბევრს ნიშნავ ჩემთვის… ძალიან ბევრს… შენ რომ არა, არ ვიცი, რა მეშველებოდა… მაგრამ, მე მეტი აღარ შემიძლია… დავიღალე…
- შენ ძლიერი ხარ და მეორედ ეგ არ გამაგონო, გახსოვს რა გითხარი? გახსოვს? – ,,სხვა კუთხით შეხედე ამ ყველაფერს ოუვენ”.
- ეს ჩემი საყვარელი სიტყვებია…
- არ ვიცი… როდემდე გავუძლო? პრობლემები იმატებს მხოლოდ…
ვეღარ ვერევი…. კედელი დაბალია და მათი სიმაღლე აჭარბებს… გადამთელავს… წავიშლები… აღარ დავრჩები… – ამოიქვითინა, მტკივანი ხელი ცრემლმა დაალბო…
- მოდი ჩემთან! მოდი! ნუ გეშინია, მე აქ ვარ… არ მიგატოვებ, ერთად შევებრძოლებით, შენ მხოლოდ მითხარი – გულზე მარწუხმა მოუჭირა…
- ისედაც ბევრი შევაწუხე… ალბათ ჯობდა არ გავჩენილიყავი…
საერთოდ! დაისვენებდით…
გაიქცა…
დიდხანს ეძება…
იმედი ჰქონდა, დაბრუნდებოდა…
- მოხვედი? – იკითხა გახარებულმა.
- მოვედი – უპასუხა მონატრებით გათანგულმა … – მომენატრე…
დაღლამდე…
- რა გატირებს სულელო? – ჩაიღიმა სევდიანად და ლურჯი, ლურჯი თვალები შეანათა…
- ის, რომ ასეთი კარგი მყავხარ… ხომ არ დაგღალე? – იკითხა სევდიანად, შიშნარევი ხმით…
- არასოდეს! და შენ კიდევ მიმატოვებ?
- არასოდეს!

ის მართლაც დაბრუნდა… მაგრამ არა დიდი ხნით….
მეგობარი…

- გახსოვს ,,მო”? სწორედ ამიტომ მეშინოდა და ახლაც მეშინია… ყველა ისტორია რაღაცით ჰგავს ერთმანეთს… იმიტომ, რომ თავად ადამიანები ქმნიან ისტორიებს… ჩვენი მსგავსება ჩვენივე ბუნებიდან და ჩვენს მიერ დაწესებული ჩარჩოებიდან მოდის…
ყველაფერს აქვს დასაწყისი და დასასრული… არაფერია მარადიული, თავად მარადისობის და სიყვარულის გარდა…
სიყვარული კი ღმერთია…

გაგრძელდება ხვალ…